Presidenti amerikan Donald Trump ka deklaruar se kryeministri izraelit Benjamin Netanyahu nuk do të ketë “zgjidhje tjetër” veçse të pranojë çdo marrëveshje që Shtetet e Bashkuara do të negociojnë me Iranin. Këtë qëndrim, Trump e ka dhënë në një intervistë për Financial Times, teksa ka theksuar se Netanyahu “merr vendime”.
Sipas asaj që është raportuar, Trump ka nënvizuar se Izraeli nuk do të mund të mbajë një kurs të pavarur në raport me negociatat amerikano-iraniane. Në këtë kuadër, presidenti amerikan ka paralajmëruar se Izraeli do të përballet me realitetin që marrëveshja do të vjen nga Washingtoni, ndërsa vendimmarrja e Netanyahut do të jetë brenda parametrave të atij dialogu.
Ndërkohë, tensionet në rajon janë rritur në një moment kur pritet të ulet shkalla e konfliktit. Izraeli ka kryer sulm dje ndaj një periferie të Bejrutit për herë të parë që nga njoftimi i një plani paqeje për Libanin nga Shtetet e Bashkuara, javën e kaluar. Pas kësaj, Irani ka qëlluar me raketa objektivat izraelite, duke rritur rrezikun që përpjekjet për një marrëveshje më të gjerë të dështojnë.
Irani, nga ana e tij, ka thënë më herët se çdo marrëveshje paqeje me Shtetet e Bashkuara do të varet nga një armëpushim në fuqi në Liban. Ky kusht lidhet me realitetin në terren: Izraeli e pushtoi në mars Libanin në kërkim të luftëtarëve pro-iranianë të Hezbollahut, të cilët më pas nisën të qëllonin përtej kufirit në Izrael si shenjë solidariteti me Teheranin.
Trump: çdo marrëveshje me Iranin i shkon Netanyahu-së
Garda Revolucionare e Iranit ka paralajmëruar se sulmet ndaj Izraelit të dielën në mbrëmje shërbyen si “paralajmërim” për një përgjigje më të gjerë. Sipas njoftimeve, përgjigjja e mundshme do të përfshinte të gjitha objektivat amerikane dhe izraelite në rajon nëse “agresionet” përsëriten. Paralelisht, Irani ka lëshuar valë të shumta raketash në Izraelin verior, ndërsa Garda e Korpusit Revolucionar Islamik (IRGC) ka deklaruar se ky është “fillimi i një jave të plotë sulmesh të vazhdueshme”.
Në anën e tij, ushtria izraelite thotë se po punon për reagim dhe për të adresuar kërcënimet. Në këto zhvillime, tensionet kanë prekur edhe Libanin: ushtria izraelite ka dhënë urdhër evakuimi për banorët e Tiros dhe zonat përreth, duke paralajmëruar se priten sulme. Paralajmërimi i është lidhur goditjes së grupit terrorist Hezbollah.
Po ashtu, ushtria izraelite ka njoftuar se ka kryer sulme ajrore ndaj kryeqytetit të Libanit, Bejrutit. Sulmet, sipas njoftimeve, kishin në shënjestër një qendër komande “terroriste” në periferinë jugore të Dahiyeh, bastion i Hezbollahut. Ndërkohë, në skenën politike rajonale, kryeparlamentari iranian Mohammad Bagher Ghalibaf ka deklaruar se Irani “nuk do të ndalojë vetëm rrugën e negociatave”, por do të hyjë edhe në “përballje të drejtpërdrejtë me armikun” pas sulmeve të vazhdueshme izraelite.
Bisedimet për uljen e tensioneve dhe një marrëveshje më të gjerë mbeten në ngërç, ndërsa SHBA dhe Irani vijojnë të shkëmbejnë akuza dhe deklarata për incidente të sigurisë në Lindjen e Mesme. Senatori republikan James Lankford ka fajësuar Iranin për ritmin e ngadaltë të negociatave, duke thënë se Teherani po i zvarrit bisedimet. Në këtë kontekst, presidenti Trump ka theksuar se është i hapur për të dërguar forca amerikane për të rimarrë rezervat bërthamore të Iranit, por ka shprehur shpresën që kjo të bëhet si pjesë e një marrëveshjeje me palët.
Botuar fillimisht në Bota Sot