Kendall Jenner ka hyrë në një fushë të re, duke debatuar si aktore në një projekt filmik italian. Modelja 30-vjeçare është bërë anëtarja më e fundit e familjes Kardashian që po eksploron aktrimin, pas përvojave të mëparshme kryesisht të lidhura me modelingun dhe botën e modës.
Debutimi i saj vjen përmes filmit të shkurtër “La Passeggiata”. Në këtë vepër, Jenner shfaqet me një stil që i referohet kinemasë italiane të viteve të 60-ta, duke sjellë në ekran një estetikë klasike dhe një atmosferë të frymëzuar nga trashëgimia e filmit të asaj periudhe. Filmi është realizuar për numrin e shtatorit të revistës së filmave A Rabbit’s Foot.
La Passeggiata e çon Jennerin drejt misterit në ekran
“La Passeggiata” është shkruar dhe drejtuar nga drejtoresha kreative e revistës, Fatima Khan. Në bazë të idesë qëndron rituali italian “La Passeggiata”, shëtitja e mbrëmjes së hershme, e cila zakonisht lidhet me ecjet sociale dhe prani publike në një ritëm të qetë. Megjithatë, historia e filmit është zhvendosur në Los Angeles, ku jeton Jenner.
Në film, Kendall Jenner luan rolin e një aktoreje që shfaqet në skena të ndërtuara rreth një rruge emocionale dhe vizuale të lidhur me identitetin dhe perceptimin. Ajo nis nga një funeral, më pas ecën në rrugë dhe vazhdon rrëfimin në një atelie mode. Këto elemente krijojnë një lidhje mes momentesh të ndryshme, që nga solemniteti te lëvizja, deri te ambienti krijues i modës.
Vepra trajton temën e të qenit i parë dhe i kuptuar, duke e vendosur theksin te mënyra si publiku e sheh një personazh, por edhe te boshllëku që mund të mbetet mes asaj që është publike dhe asaj që fshihet pas saj. Për ta bërë këtë, filmi mbështetet pikërisht në stilin vizual të kinemasë italiane të viteve 1960, me një ton që synon të duket sa më i lëmuar dhe i qëndrueshëm në narrativë.
Khan ka shpjeguar se e ka përzgjedhur të luajë me faktin që Jenner ka kaluar pothuajse dy dekada si një nga gratë më të fotografuara në botë. Ky detaj lidhet drejtpërdrejt me temën qendrore të filmit: se si fama dhe shikueshmëria mund të krijojnë një imazh të vazhdueshëm, ndërkohë që njeriu brenda tij mund të mbetet enigmatik. Në fund të filmit, Jenner thotë: “Sepse lëvizja lë hapësirë për mister”.
Në intervistën shoqëruese, Jenner ka folur edhe për famën dhe jetën private, duke sjellë një këndvështrim rreth asaj se si ndryshon perceptimi publik nga njohja e vërtetë. Ajo është shprehur se të famshmit sot ndihen konstantë, pasi ka shumë pak hapësirë mes asaj që është publike dhe asaj që është personale. Sipas saj, ky është dallimi mes të qenit i shikuar dhe të qenit vërtet i kuptuar.
Ajo shtoi se të qenit i njohur nuk do të thotë domosdoshmërisht që njerëzit ta dinë “kush je në të vërtetë”, duke e ndarë fokusin te identiteti i brendshëm. Në të njëjtën bisedë, Jenner foli edhe për pasionin e saj për kinemanë, të cilin e ka ndjekur që nga fëmijëria.
Debutimi i saj vjen në një moment kur Kendall Jenner ndodhet në Venecia për Festivalin e Filmit. Në këtë periudhë, ajo është në një lidhje me aktorin australian Jacob Elordi. Projekti “La Passeggiata” pritet të jetë një hap i ri në karrierën e saj, duke e vendosur Jennerin në një regji që ndërthur ritualin italian të shëtitjes me një histori të vendosur në Los Angeles dhe me një gjuhë vizuale të frymëzuar nga dekada e viteve 1960.
Botuar fillimisht në Telegrafi
