Juventusi duket se ka sqaruar tashmë qasjen e tij për merkato. Pas diskutimeve me drejtuesit, trajneri Luciano Spalletti ka qenë i drejtpërdrejtë: synimi është që të realizohet gjithçka që është planifikuar dhe të kompletohet skuadra me lojtarë të një niveli të lartë për çdo repart.
Në vitet e fundit në Torino janë folur për disa projekte që nuk janë konkretizuar ose janë komplikuar, por tani, sipas planit që është përcaktuar, ekziston një rrugë e qartë se ku nis puna. Spalletti ka zhvilluar bisedë me drejtuesit dhe kërkesa e tij kryesore ka qenë e njëjtë: ndërtimi i një ekipi konkurrues, me afrime që e rrisin menjëherë cilësinë në çdo pozicion të nevojshëm.
Pika e parë lidhet me repartin difensiv. Përveç rastit të portierit, i cili u bllokua nga Liverpool për Alisson, në skuadër duhet të vijë një qendërmbrojtës që të garantojë një fazë defensive në një nivel të mirë. Spalletti, siç rezulton nga planet e tij, e ka të qartë emrin: Kim Min Jae. Mbrojtësi koreanojugor, i cili ka punuar krah Spallettit te Napoli në vitin e titullit në Serie A, shihet si zgjidhje ideale, sidomos në një skenar të mundshëm largimi të Bremer, që mund të shkojë te Bayerni i Mynihut. Ky zhvillim mund të ndikojë pozitivisht në tratativa, duke hapur rrugë më të favorshme për afrimin e Kim.
Një objektiv tjetër lidhet me mesfushën, ku trajneri bardhezi do më çdo kusht një lojtar që di të bëjë diferencën edhe në fazën e avancuar. Opsioni Bernardo Silva, për të cilin është folur më herët, ka hasur vështirësi dhe tani kërkimet po fokusohen në alternativa të reja. Në këtë kontekst, po punohet për Brahim Diaz. Fantazisti i Real Madridit përbën një profil që i pëlqen Spallettit, pasi mund të sjellë kreativitet dhe ndikim në zonat vendimtare. Te Los Blancos, marokeni pritet të mos jetë titullar, dhe kjo mund të bëhet motiv për të pranuar një aventurë të re në Torino.
Spalletti kërkon “nga një lojtar niveli për çdo repart”
Në repartin ofensiv, Juventusi mban në vëmendje disa skenarë. Njëra nga emrat që përmendet është Vlahovic, edhe pse mbetet e hapur çështja e rinovimit të kontratës me serbin. Përtej kësaj, te Zonja e Vjetër nuk është lënë mënjanë as hipoteza që lidhet me rikthimin e Kolo Muani në Continassa. Trajektorja e kësaj tratative është komplekse: sulmuesi do të kthehet te Paris Saint Germain pas huazimit te Tottenham dhe francezët nuk duken të gatshëm për të bërë ulje në çmim. Megjithatë, te Juventusi po ndiqet ende si mundësi, në kërkim të një sulmi që të ketë peshë në rezultate.
Ndërkohë, në radarët e bardhezinjve është futur edhe një tjetër francez: Mateta. Trajneri i pëlqen shumë ky profil dhe situata shfaqet më e favorshme në krahasim me negociatat që u sfumuan në janar. Sulmuesi i Crystal Palace është drejt largimit: kontrata e tij skadon në qershor të 2027, dhe ky detaj mund të ndihmojë që blerja të mos jetë aq e kushtueshme sa të tjerat. Vlerësimi aktual i Mateta-s është rreth 30 milionë euro. Përtej çmimit, Juventusi synon të ruajë logjikën financiare të merkatos duke kërkuar edhe largimin e sulmuesve të tepërt, atyre që nuk ia dolën të prodhonin sezonin që sapo u mbyll.
Sa i përket daljeve, për Opendan është e vështirë që të gjendet një blerës, ndaj mund të mendohet dhënia me huazim. Në të njëjtën linjë, David erdhi me parametra zero, çka do të thotë se çdo shifër që do të ofrohet në rast shitjeje do të përkthehej në plusvalencë për “Zonjën e Vjetër”. Ndërsa objektivat për transferimet vijojnë, ajo që i jep ton merkatos është qartësia e planit të Spallettit dhe insistimi që skuadra të përforcohet me lojtarë që i shërbejnë modelit të tij në fushë, në çdo repart.
Botuar fillimisht në Bota Sot
