Netanyahu i drejtohet kombit izraelit pas lëshimit të dronëve nga Irani

“Qytetarët izraelitë, në vitet e fundit, dhe veçanërisht në javët e fundit, Izraeli është përgatitur për një sulm të drejtpërdrejtë nga Irani”, tha ai.

“Sistemet tona mbrojtëse janë vendosur; ne jemi gati për çdo skenar, si në mbrojtje ashtu edhe në sulm. Shteti i Izraelit është i fortë. IDF është i fortë. Publiku është i fortë”, pohoi udhëheqësi i qeverisë, raporton bbc.

Ai gjithashtu falënderon aleatët, përfshirë SHBA-në dhe Britaninë e Madhe, për “qëndrimin përkrah” Izraelit.

“Ne kemi përcaktuar një parim të qartë: Kushdo që na dëmton, ne do t’i dëmtojmë ata. Ne do të mbrohemi kundër çdo kërcënimi dhe do ta bëjmë këtë me nivele të larta dhe me vendosmëri”, tha 74-vjeçari.

Ai u bën thirrje qytetarëve izraelitë të ndjekin “direktivat” e Komandës së Frontit të Brendshëm të IDF, duke shtuar se “së bashku do të qëndrojmë dhe me ndihmën e Zotit – së bashku do t’i mposhtim të gjithë armiqtë tanë”.

Ndryshe, Irani ka lëshuar një numër dronësh në drejtim të Izraelit. /Telegrafi/

מדינת ישראל חזקה, צה"ל חזק, עם ישראל חזק.

יחד נעמוד, ובעזרת ה' – יחד נתגבר על כל אויבנו. pic.twitter.com/XwdHlLzyNK

— Benjamin Netanyahu – בנימין נתניהו (@netanyahu) April 13, 2024