Finalja e Kupës së Botës, që vjen si një tjetër ndalesë vendimtare në rrugën e Lionel Messit, pritet të jetë edhe një provë për “yllin” e dytë në karrierën e tij. Nëse gjithçka do të shkojë siç e imagjinojnë argjentinasit, në New York mund të përsëritet një skenar i ngjashëm me atë që ndodhi në Katar. Tashmë, Messit i del përpara një finale e re, në një turne ku ai ka qenë prej kohësh i lidhur me ditët më të mëdha të Argjentinës.
Deri tani, ai ka fituar katër finalet e fundit në të cilat ka luajtur me përfaqësuesen e Argjentinës. Bëhet fjalë për Kupën e Botës 2022, Kupën e Amerikës 2020 dhe 2024, si dhe “Finalissiman”. Përpara këtyre triumfeve, Messi kishte humbur katër finale të tjera: tri prej tyre në Kupën e Amerikës 2007, 2015 dhe 2016, si dhe një në Kupën e Botës 2014. Në total, shifrat flasin për katër fitore nga tetë finalet, me një mesatare suksesi prej 50 për qind.
Edhe pse statistikat e tij në finale duken mbresëlënëse, të dhënat rezultojnë më të dobëta kur flasim vetëm për nivelin e përfaqësueses, krahasuar me atë që ai ka arritur në nivel klubesh. Për periudhën e tij te Barcelona, Messi ka regjistruar 30 fitore në 43 ndeshjet e finaleve ku ka luajtur, një mesatare suksesi prej 69 për qind. Kjo tregon se efikasiteti i tij në ndeshjet vendimtare është shumë i lartë, por jo i pagabueshëm.
Besëtytnitë e Argjentinës rreth Messit synojnë përsëritjen e suksesit
Pikërisht për këtë arsye, Leo po i trajton edhe besëtytnitë si një pjesë të rutinës që mund t’i ndihmojë ta çojë Argjentinën drejt të njëjtit fund të suksesshëm si në turnet e mëparshme. Fjala “besëtytni” është bërë tepër e zakonshme në kampin argjentinas ditëve të fundit. Thelbi i tyre lidhet me idenë se asgjë nuk duhet të ndryshohet, për të mos prishur rrethanat që kanë sjellë tituj në të kaluarën.
Në rastin e Messit, ky zakon është pothuajse i theksuar si obsesion. Në rrjetet sociale, ai ka zgjedhur të kopjojë të njëjtat tekste në postimet e tij, ashtu si kishte vepruar në Katar në vitin 2022, ku në fund fitoi trofeun. Mënyra se si ai i qaset komunikimit lidhet me besimin se është forma më e mirë për të u shprehur te njerëzit, sidomos kur rrëzohet pengesa që e kishte mbajtur larg titullit.
Argjentina, me Messin në rolin e liderit, thuhet se është kthyer në të njëjtin hotel që e kishte shoqëruar me fat edhe gjatë edicionit të fundit të Kupës së Amerikës në 2024. Aty, në gjysmëfinale, skuadra e udhëhequr nga Messi e mposhti Kanadanë 2:0, ndërsa në finalen e turneut fitoi kundër Kolumbisë 1:0, në vazhdime. Hoteli i përmendur është “Hilton Shorts Hills” në New Jersey.
Besëtytnitë shkojnë edhe më tej. Lojtarët janë vendosur saktësisht si herën e fundit, ndërsa secila dhomë mban numrin e njëjtë që kishte për secilin futbollist. Messi, natyrisht, është në dhomën e tij. Për ta, rëndësi ka fakti që gjithçka të qëndrojë po njësoj si para dy vjetësh në Kupën e Amerikës, të cilën e fituan. Në fund, teksa finalja e Kupës së Botës 2026 zhvillohet të dielën, me fillim në orën 21:00 në New Jersey, shifrat e Messit vazhdojnë të rrijnë në qendër: në të gjitha finalet ku ka luajtur ai ka shënuar 35 gola dhe ka dhuruar 17 asistime, një bilanc shumë i fortë për një futbollist që prej vitesh ka prodhuar vendimmarrje në momentet kyçe.
Botuar fillimisht në Koha.net