Estetistja Simoneta Bajrami po zhvillon trende të reja – ajo tregon se me ardhjen e pranverës janë shtuar kërkesat për trajtimet estetike

Pavarësisht kësaj, është e njohur që shpesh gratë nuk ndihen të kënaqura me pamjen e tyre, çka i shtyn të kërkojnë zgjidhje në klinikat e estetikës.

Së fundmi, edhe burrat janë bashkuar me këtë kërkim për përsosmëri, duke u përpjekur të përmirësojnë pamjen e lëkurës së tyre përmes procedurave estetike.

Për të mësuar më shumë rreth këtyre procedurave, Telegrafi ka biseduar me Simoneta Bajramin, estetiste e njohur që ofron një gamë të gjerë trajtimesh për lëkurën, aplikime të botoxit dhe të ‘filler-ëve’ (mbushësve).

Ajo shpalosi inovacionet e saj më të fundit, duke përfshirë një metodë për tonifikimin e muskujve dhe eliminimin e dhjamit të tepërt përmes EM SCULPT NEO.

Simoneta gjithashtu zbuloi se aknet janë një problem ende shumë i zakonshëm që prek vetëbesimin e grave. Ajo theksoi rëndësinë e identifikimit të shkaktarit të problemit të lëkurës përpara se të nisë trajtimi, duke rekomanduar analiza mjekësore të hollësishme.

View this post on Instagram

A post shared by Dermo & Aesthetics (@dermobysimoneta)

Në klinikën e saj “Dermo by Simoneta”, aknet janë shqetësimi kryesor përsa i përket lëkurës. Për trajtimin e tyre, ajo përdor metoda efikase si aplikimi i tri llojeve të acideve.

“Problemet me lëkurë janë të ndryshme dhe ne i trajtojmë ato, por si problem me i shpeshtë që e hasim ne pothuajse çdo ditë në kliniken tonë janë aknet. Trajtimin e tyre në kliniken tonë e bëjmë me anë të metodës më efektive të acidit. I përdorim tre lloje të acideve. Acidin salicilik, glikolik dhe mandelik dhe rezultatet nuk kane munguar asnjëherë”, ka thënë Simoneta Bajrami për Telegrafin.

Ndërsa vera afron, trendet estetike të botoxit dhe mbushësve bëhen akoma më të kërkuara. Simoneta vëren një rritje të ndjeshme të interesit për mbushjen e buzëve jo vetëm nga femrat, por edhe meshkujt.