Real Madridi ka nisur zyrtarisht lëvizjet për të siguruar shërbimet e Yan Diomandé. Sipas informacioneve më të fundit, klubi madrilen i ka dorëzuar Leipzigut ofertën e parë për 19-vjeçarin, ndërsa paralelisht negociatat mes palëve dhe përfaqësuesve të lojtarit janë vënë në ecje.
Real Madridit dhe RB Leipzigut kanë filluar këtë javë, pas raportimeve fillestare të “BILD”. Më pas, “The Athletic” ka konfirmuar se Reali ka hyrë zyrtarisht në garë për Diomandé dhe po punon në mënyrë aktive drejt realizimit të transferimit. Kjo lëvizje vjen në një moment kur Real Madridi kërkon të përforcojë repartin e sulmit dhe veçanërisht tregun e sulmuesve krahu, ku ka parë disa zhvillime të mundshme gjatë verës.
Vendimi i Real Madridit për të hapur negociatat ka ndryshuar ndjeshëm dinamikën rreth njërit prej sulmuesve të rinj më të kërkuar në Evropë. Deri pak kohë më parë, destinacioni që dukej më i afërt për Diomandé ishte Paris Saint-Germain, por klubi francez ende nuk ka dhënë sinjal se është i gatshëm të paguajë shumën që Leipzig kërkon. Në këtë sfond, Reali ka hyrë me një qasje më konkrete, duke e bërë garën më konkurruese.
Real Madridi prej kohësh e ka mbajtur në vëmendje tregun për një lojtar krahu. Një element që e ka bërë këtë çështje edhe më urgjente është skenari që Brahim Díaz mund të largohet gjatë kësaj vere. Brahim, nga ana e tij, preferon të qëndrojë në Madrid dhe vlerësohet si një lojtar i rëndësishëm nga José Mourinho dhe drejtuesit e klubit. Megjithatë, negociatat e nisura për Diomandé tregojnë se Reali po tenton të krijojë alternativë dhe të rrisë opsionet në sulm, pavarësisht planit aktual për Brahim.
Real Madrid futet në garë të fortë për Yan Diomandé
Lidhur me ofertën e parë, nuk është bërë publike vlera që ka dorëzuar Real Madridi. Megjithatë, Leipzig raportohet se kërkon rreth 130 milionë euro për kartonin e Diomandé. Ky nivel i pretenduar e vendos menjëherë Reiln përpara një sfide financiare, pasi Leipzigu nuk duket i gatshëm të lëvizë nga pozicioni i tij pa një ofertë bindëse. Në garë nuk ka qenë vetëm Reali: edhe Liverpooli ka pasur kontakte më herët gjatë verës me klubin gjerman, duke paraqitur një ofertë që i afrohej 100 milionë eurove, por pa arritur marrëveshje.
Diomandé ka shfaqur preferencë për një transferim te Paris Saint-Germain, por fakti që Reali ka hyrë në negociata me Leipzigun e ka bërë të qartë se rivaliteti është rritur. Nga ana tjetër, RB Leipzig mbetet i vendosur ta mbajë lojtarin. Madje, klubi gjerman po punon edhe për rinovimin e kontratës së tij, e cila aktualisht është e vlefshme deri në qershor të vitit 2030. “Synimi ynë i qartë është që Yan Diomandé të luajë për RB Leipzig edhe sezonin e ardhshëm,” ka deklaruar drejtori sportiv i klubit gjerman Marcel Schäfer.
Për Real Madridin, kjo do të thotë se nëse dëshiron ta mbyllë transferimin gjatë kësaj vere, do t’i duhet të paraqesë një ofertë shumë më të lartë. Për Leipzigun, qëndrimi i Diomandé është i lidhur ngushtë edhe me planifikimin afatgjatë, duke parë edhe vlerën sportive që ai ka sjellë. Diomandé iu bashkua Leipzigut nga Leganesi verën e kaluar dhe shumë shpejt u kthye në një nga lojtarët më të rrezikshëm të krahut në Bundesliga. Sezonin e tij të fundit e mbylli me 12 gola dhe nëntë asistime në 33 ndeshje, duke ndihmuar skuadrën të përfundonte në vendin e tretë dhe të siguronte kualifikimin në Ligën e Kampionëve.
Ndërkohë, Diomandé ka qenë i rëndësishëm edhe për Bregun e Fildishtë në Kupën e Botës, ku luajti në të katër ndeshjet e kombëtares së tij, përpara eliminimit nga Norvegjia në fazën e 1/16 të finales. Shpejtësia, aftësia në driblim dhe mundësia për të luajtur në të dy krahët e sulmit e kanë kthyer atë në një nga talentet më të vlerësuara në futbollin evropian. Për momentin, bisedimet me Leipzigun dhe përfaqësuesit e lojtarit vijojnë, edhe pse palët ende nuk janë afruar sa i takon vlerës së transferimit. Interesi i Real Madridit është tashmë konkret dhe hapi i radhës pritet të varet nga gatishmëria e klubit spanjoll për t’iu afruar kërkesave financiare të Leipzigut, si dhe nga vendimi përfundimtar i Diomandé për të ardhmen e tij.
Botuar fillimisht në Bota Sot
