Wolt nis operimin në Gjilan duke filluar nga 18 qershori 2026. Kompania amerikan0-finlandeze e shërbimeve të shpërndarjes së ushqimit e zgjeron kështu praninë e saj edhe në një qytet tjetër të Kosovës, duke e bërë Gjilanin qytetin e katërt në radhë ku nis punën.
Operimi i Wolt në Kosovë nisi fillimisht në Prishtinë, më pas u shtri në Ferizaj dhe Prizren. Pas këtyre zgjerimeve, në vitin e dytë të aktivitetit të kompanisë në vend, fokusi kalon te rajoni i Anamoravës, me mbulimin e një pjese të rëndësishme të tregut kosovar përmes platformës së saj në Gjilan.
Që nga dita e parë e operimit, e cila është 18 qershori, në aplikacion do të jenë të disponueshme mbi 50 biznese partnere. Përmes platformës Wolt, qytetarët do të mund të porosisin shujtat e preferuara të ushqimit çdo ditë nga ora 08:00 deri në 23:00, me dërgesa deri në 6 kilometra nga adresa e porosisë.
Oferta në Gjilan fillon që nga dita e parë me emra të njohur nga tregu i ushqimit. Në platformë do të përfshihen KFC, HEB’s, Burger King, Sach Pizza, My Shawarma dhe Proper Pizza, krahas partnerëve të tjerë që pritet të bashkohen gradualisht gjatë ditëve dhe muajve në vijim. Kjo qasje synon që qytetarët të kenë një gamë të gjerë opsionesh që në start, ndërkohë që prania e Wolt-it pritet të bëhet pjesë e rutinës së përditshme.
Wolt në Gjilan: porosit shpejt nga 18 qershori
Lisandri Dragoj, Drejtori i Përgjithshëm i Wolt për Kosovë dhe Shqipëri, ka theksuar se shtrirja në qytetin e katërt po vazhdon me ritëm të qëndrueshëm dhe po i jep qytetarëve mundësi të reja në përditshmërinë e tyre. Ai ka thënë se fillimi i operimit në Gjilan në më pak se dy vite pas nisjes së kompanisë në Kosovë është një sukses i Wolt-it dhe një sinjal për mjedisin e hapur e miqësor të Kosovës ndaj modeleve inovative të shpërndarjes së ushqimit.
Sipas informacioneve të prezantuara për publikun, zgjerimi i Wolt-it në Gjilan nuk synon vetëm të rrisë numrin e porosive, por edhe të lidhë më mirë bizneset me konsumatorët. Ky model krijon, sipas kësaj qasjeje, hapësirë për fleksibilitet dhe mundësi të shumta si për restorantet ashtu edhe për përdoruesit e platformës. Në të njëjtën kohë, misioni i kompanisë është të transformojë qytetet duke shtuar lehtësinë në jetën e përditshme të qytetarëve, familjeve dhe të punësuarve.
Shtrirja në Gjilan vlerësohet si pjesë e një strategjie më të gjerë të Wolt-it për të mbuluar të gjithë tregun. Për periudhën e mëvonshme, në pjesën e dytë të 2026 është planifikuar që një tjetër qytet i Kosovës të mirëpresë operimin, ndërsa pritet që motorat blue të Wolt-it të jenë të pranishëm edhe aty. Në rrafshin ndërkombëtar, Wolt ka bashkuar forcat me DoorDash në vitin 2022, duke e zgjeruar më tej praninë globale dhe duke forcuar modelin e operimit në tregje të ndryshme.
Për përdoruesit në Gjilan, platforma është e qasshme përmes aplikacionit Wolt në iOS dhe Android. Po ashtu, qytetarët mund të vizitojnë www.wolt.com për të kryer porositë dhe për të parë ofertat e disponueshme në momentin e nisjes së shërbimit.
Botuar fillimisht në Koha.net
