Sara Karaj, e cila u bë pjesë e Ferma VIP që nga dita e parë, ka folur për rrugëtimin e saj në program dhe arsyet pse vendimet e saj u shfaqën ashtu siç u panë në ekran. Ajo ka qenë një nga konkurrentet me ambicie për të arritur në finale dhe për ta fituar, por në fund nuk ia doli të qëndronte deri në çastin e fundit. Ndarja e saj nga gara u bë pas humbjes në dy sfida, që çuan më pas në një televotim “kokë më kokë” mes Ilirit dhe Sarës.
Karaj ka thënë se kur u fut në fermë kishte mendimin dhe dëshirën të ishte 100% vetja. Megjithatë, ajo pohon se kjo u keqkuptua jashtë, sepse publiku mund të ketë marrë një imazh të ndryshëm. Sipas saj, në momentin që hyri në program, ajo kishte ndjekësit e saj, por i duhej trefish punë që të tregonte karakterin që kishte, mënyrën si reagon dhe qëndrimin e saj real.
“Jam futur në fermë me mendimin dhe dëshirën për të qenë 100% unë. Kjo është keqkuptuar jashtë. Në momentin që unë jam futur në fermë, isha një individ që kisha ndjekësit e mi, por më duhej trefish punë për të treguar karakterin tim. Ti je Çiljeta dhe patjetër që edhe thjesht po të rrije, ke suportin e publikut. Je në një trysni të tillë që nuk e mendon dot dy herë. Unë nuk e kam kuptuar efektin e kamerave, aty e humb konceptin. Sulmi nga të tjerët dhe mbrojrja që mund të bësh është më agresive në një vend të izoluar. Pa një përkrahje pa një përqafim. Nuk e di a do bëja diçka ndryshe, sepse personat që ishin në fermë nuk mund t’i ndryshoja,” ka thënë ajo gjatë rrëfimit të saj.
Rrugëtimi i Sarës në “Ferma VIP”: mes parimeve dhe trysnisë së kamerave
Gjatë bisedës, Sara Karaj ka komentuar edhe raportin e saj me Moza-n, duke sqaruar se ka pasur raste kur e ka mbështetur, por ka pasur edhe situata ku nuk ka qenë dakord me sjelljen e saj. Ajo thotë se ka pasur momentet e para që e kanë bërë të kuptojë se çfarë lloj qasjeje po shfaqte Moza, sidomos që nga javët e hershme kur u vu re një lloj busti. Dilema, sipas Sarës, ishte nëse do të afrohej më shumë me Mozën apo do të tregonte karakterin e saj dhe do të qëndronte në linjën e vet.
“Sara: E kam kuptuar që në javën e parë që ka pasur këtë lloj busti. Por dilema ime ishte të ngjitesha te Moza ose të tregoja karakterin tim. Dhe mendoj që duhet të isha vlerësuar pak më shumë për faktin që zgjodha t’i besoj parimeve të mia për gjërat që nuk më pëlqenin te Moza. Mendoj që kur më është dhënë rasti dhe e kam besuar që ka të drejtë, kam qenë pro Mozës, por kur ka pasur raste ofenduese nga Moza që kaloheshin me të qeshur, kam reaguar. E kam parë Mozën në shumë situata vulnerabël dhe është fantastike dhe është një njeri shumë i mirë. Por nuk më ka pëlqyer karakteri që ka zgjedhur të luajë aty brenda”, ka theksuar ajo.
Në fund të intervistës, Sara u pyet se cili nga pesë finalistët do të zinte vendin e saj në finale. Ajo u tregua e rezervuar në përgjigje, duke mos dashur të përcaktonte një rezultat përfundimtar me emër. Megjithatë, ka përcjellë një mesazh mbështetjeje: “Nuk mund ta them këtë, sepse sido që të jetë e meritojnë. Do doja ta fitonte patjetër Visi.” Në këtë mënyrë, ajo mbylli rrëfimin e saj duke e vendosur theksin te merita e finalistëve, pavarësisht se rruga e saj në garë u ndërpre pak para finales së madhe.
Botuar fillimisht në Bota Sot
