Kylian Mbappe ka reaguar ndaj një zhvillimi që ka tërhequr vëmendjen në futbollin evropian: Paris Saint-Germaini ka arritur të fitojë dy tituj radhazi në Ligën e Kampionëve që nga largimi i tij, ndërsa Real Madridi ende nuk e ka rikthyer trofeun e madh në Santiago Bernabeu. Sulmuesi francez, i cili u largua nga PSG në verën e vitit 2024 për t’iu bashkuar klubit madrilen, është pyetur pikërisht për këtë diferencë mes dy klubeve.
Në intervistën e tij të fundit për L’Equipe, Mbappe komentoi situatën pa e parë si diçka që lidhet direkt me vendimin e tij për të ndryshuar skuadër. Ai e theksoi se fitoret e PSG-së nuk duhet të interpretohen si “pasojë” e largimit të tij, por si rezultat i punës dhe performancës së vetë ekipit parizien.
“E shoh si 2 + 2 = 4. Ata e fituan, këtë nuk mund t’ua marrim. Urime atyre”, u shpreh Mbappe. Për francezin, fakti që PSG-ja arriti të triumfojë edhe për vitin e dytë radhazi është diçka e madhe dhe që flet për nivelin e skuadrës së momentit. Ai shtoi se PSG-ja është ndërtuar për sukses dhe tashmë ka treguar se është skuadër që kërkohet të mposhtet.
Mbappe theksoi se parizienët kanë arritur të ruajnë ritmin edhe në sezonin pasardhës, duke e bërë dominimin në Champions League jo thjesht një rastësi. “Ata i ndërtuan fitoret e tyre. Ata kanë arritur ta fitojnë për të dytin vit radhazi dhe kjo është diçka e jashtëzakonshme. Ata janë skuadra që duhet mposhtur”, tha ai. Këto fjalë e vendosin PSG-në si kundërshtarin kryesor për çdo ekip që synon të ngrejë trofeun e Ligës së Kampionëve në fund të sezonit.
Real Madridi synon ta rrëzojë PSG-në nga froni
Në vijim, Mbappe pranoi se Real Madridi dhe skuadrat e tjera pretendentë tashmë kanë një objektiv të qartë për sezonin e ri. Ideja, sipas tij, është të ndalet kampioni në fuqi që ka fituar dy herë radhazi. “Ne, Real Madridi dhe të gjithë të tjerët, hyjmë me idenë për ta rrëzuar skuadrën që e ka fituar dy herë radhazi”, tha ai, duke nënvizuar se dominimi i PSG-së nuk do të pranohet pa sfidë.
Në këtë kontekst, PSG-ja konsiderohet si një kundërshtar shumë i vështirë për këdo që kërkon lavdinë evropiane. Edhe pse Real Madridi dhe ekipet e tjera janë ndër favoritët kryesorë për ta ndalur dominimin e kampionëve aktualë, Mbappe e mban fokusin te realiteti i kampionatit: parizienët kanë demonstruar që janë të aftë të fitojnë sërish në nivelin më të lartë kontinent, duke e bërë çdo rrugëtim drejt trofeut më të komplikuar.
Largimi i Mbappes nga PSG-ja në verën e vitit 2024 e nisi një kapitull të ri për të, por për klubin parisien periudha pas ndarjes ka qenë historike. Paris Saint-Germaini ka arritur të triumfojë në Ligën e Kampionëve në dy sezone radhazi, ndërsa në anën tjetër Real Madridi kërkon rikthimin e trofeut në Santiago Bernabeu. Me këtë mesazh, Mbappe e kthen vëmendjen te objektivi kryesor sportiv: mposhtja e PSG-së dhe rrëzimi i saj nga pozita e dominimit në Evropë.
Botuar fillimisht në Telegrafi
